Naglingin ang ulo kag ginkulbaan ang isa ka mall goer sa syudad sang Iloilo matapos nga ma-eksperyensyahan ang linog nga nagluntad kagab-i Marso 2.
Sa interview sang Bombo Radyo kay Regina Lencioco, isa ka mall goer, iya ginpahayag nga natingala na lang ini nga nagtay-og ang palibot sini kag gilayon na lang ini nga nagpungko.
Suno pa sa iya nga mabatyagan gid ang linog bangud naga-uyog gid ini.
Dugang pa sini nga apisar nga wala ini nagdugay ginhadlukan man ini bangud basi marusdak ang building nga iya nahamtangan kun magdugay pa.
Nahibaluan nga gintay-og ang Iloilo kahapon nga adlaw Marso 2 kaupod ang kaipi man sini nga mga probinsya bangud sa Magnitude 5 nga linog sa Tigbauan, Iloilo suno pa PHIVOLCS.
Apang, sang ulihi gin-islan sang DOST-PHIVOLCS nga ang natabo kagab-i nga linog ang magnitude 4.8 lamang kag indi magnitude 5 kag ang tectonic origin sini amo ang naghalin sa Guimbal kag indi sa banwa sang Tigbauan, Iloilo.
