Mamalidha sa Ukraine patay, matapos ginluthang sa sulod sang iya talatapan

UKRAINE– Patay na sang nasapwan sa iya talatapan ang isa ka mamalidha sa Ukraine matapos ginluthang sang wala pa nakilala nga suspek.

Ang nasambit nga mamalidha ang ginkilala nga si Velerii Davydenko.

Suno kay deputy Interior Minister Anton Gerashchenko, nakaangkon sang patal nga pilas sa ulo si Davydenko nga gintunaan sang iya kamatayon.

Ang lawas sang opisyal ang nasapwan sa Comfor Room sang opisina.

Nahibaluan nga ang nasambit nga mamalidha ang nagserbe Deputy Minister of Agrarian Policy and Food sang Ukraine sang Mayo 2013 tubtob Marso 2014 kag nagpadalagan bilang indipendent candidate sang nakaligad nga parliamentary election.