ILOILO CITY–Man-og ang rason kun nga-a nagluntad ang lapnagon nga power interruption sa Western Visayas.
Sa interview sang Bombo Radyo kay Michelle Vicera, regional corporate communications kag public affairs officer sang National Grid Corporation of the Philippines (NGCP), iya ginpahayag nga may man-og nga nagsulod sa ila nga pasilidad rason nga nag shutdown ang linya kag naapektuhan man ang Panay Energy Development Corporation (PEDC).
Bangud naapektuhan ang PEDC, naapektuhan man ang mga linya sang Panay Electric Company (PECO), Iloilo Electric Cooperative (ILECO) 1, 2 kag pila ka lugar nga sakop sang ILECO 3, Guimaras Electric Cooperative (GUIMELCO), Capiz Electric Cooperative (CAPELCO) kag Aklan Electric Cooperative (AKELCO).
Nahibaluan nga nagluntad ang power interruption kaina las-12 sang kaagahon kag kaina lang sang aga nabalik ang power supply sa Western Visayas.