ILOILO CITY – Ginpanindugan sang tagdumalahan sang isa ka restobar sa Smallville Complex nga wala nila ginapahanugutan nga magpanigarilyo sa sulod sang commercial establishment ang customers.
Sa interview sang Bombo Radyo kay Vanessa, supervisor sang Juan’s Martha Food Corp., iya ginpahayag nga wala nila ginpahanugutan ang pagpanigarilyo.
Indi nila matutukan bantay suno kay Vanessa ang tanan nga mga nagasulod nga customers bangud may tagsa man sila ka mga katungdanan bilang staff.
Wala man sang may naaktuhan ang Iloilo City Anti Smoking Task Force nga nagapanigalyo suno kay Vanessa sang ginpatigayon ang inspection.
Upos lang sang sigarilyo suno sa iya ang nakuha sang Iloilo City Anti Smoking Task Force kag bangud sini, ginhatagan sila sang ticket bangud sa paglapas sa anti smoking ordinance.
Nahibaluan nga padayun ang inspection sang composite team sa tagsa ka bars, restobars sa syudad sang Iloilo agud hibaluon ang compliance sa Executive order 46.
