ILOILO CITY – Gin-athag sang Department of Health nga ang management mismo sang isa ka callcenter ang nagakadapat nga magpahibalo sa mga local government unit kun nagpositibo sa Coronavirus disease 2019 (COVID-19) ang ila empleyado.
Ini ang kasunod man sang padayon nga pagtaas sang kaso sang COVID-19 sa mga call center sa diin naglab-ot na sa ginatos ang nalatnan sang virus.
Sa exclusive interview sang Bombo Radyo kay Dr. Marie Jocelyn Te, tagpamaba sang Department of Health Region 6, iya ginpahayag nga sa tion nga mapahibalo na sang mga kumpaniya sa Provincial ukon sa City Government ang resulta sang test sang ila mga empleyado nga COVID-19 positive, mas mangin mahapos na lang ang monitoring.
Suno kay Te, ang Provincial ukon sa City Government na mismo ang mapabalo sa mga banwa ukon sa barangay nga may yara sila sang mga residente nga (COVID-19 positive kag nagakinahanglan nga ipaidalom sa quarantine.
