Arestado ang isa ka store manager matapos ginreklamo sang 18-anyos nga crew sang pagpanghimulos sa Marikina City.
Ang gindakop paagi sa warrant of arrest amo si alyas “Melvin”.
Natabo ang pagpanghimulos sang Abril 21, 2025 sa isa ka hotel sa Brgy. Marikina Heights.
Base sa imbestigasyon, na-ugat ang kaso sang plano kuntani sang biktima nga mag-resign.
Nagsiling ang manager nga istoryahan nila ang plano kag nagpasugot ang biktima nga makigkita sa isa ka hotel.
Sang yara na sa hotel, nakabatyag ang biktima nga may malain nga tuyo ang manager gani nagtuyo ini nga malagyo apang ginpunggan siya sang suspek.
Gintabunan sang suspek ang bibig sang biktima kag ginpahog nga may malain nga matabo kun magsinggit ini.
Suno sa otoridad, dako ang pagsalig sang biktima sa manager kag wala siya naglaum nga himuon ini sa iya.
