ILOILO CITY– Ginahulat na lang ang kopya sang publication sang ordinansa may kaangtanan sa pagsuksok sang facemask kun yara sa pampubliko nga lugar.
Sa interview sang Bombo Radyo kay Iloilo City Councilor Ely Estante, iya ginpahayag nga importante nga sundon sang tanan ang pagsuksok sang facemask lakip na ang pag-obserba sang physical distancing.
Suno kay Estante, santo sa ordinansa, may multa nga P500 sa tagsa ka violation kag may nagakaigo man nga silot sa mga magalapas sa physical distancing.
Ginpahayag ni Estante nga mahimo maggamit sang disposable mask, cloth mask, ukon improvised mask sa tion nga magguwa sa balay.
Samtang, pagatun-an man sang Konsehal ang pagsulundan sang Inter-Agency task force may kaangtanan sa pag-angkas sa motorsiklo may kaangtanan sa pagpatuman sang physical distancing.
Sa pagpaathag sang natungdan, luyag niya nga sa lokal nga bahin, exempted ang mag-asawa ukon ang magpamilya bangud magka-upod man lang sila sa isa ka balay.
Mangin pagpanghangkat lang suno sa natungdan amo ang paghibalo kun bala magpamilya ukon indi ang nagasakay sa motorsiklo.
