ILOILO CITY – Nagpagwa na sang advisory ang Iloilo City Government angot sa mandatory nga pagsuksok sang face mask sa mga indoor places kag mga public transportation sa syudad.
Sa interview sang Bombo Radyo kay Mayor Jerry Treñas, iya ginpahayag nga ginrekomendar sang Health Board sang Iloilo City Government ang pagsunod liwat sa minimum health protocols.
Ini ang base man sa mandato sang Department of Health bangud sa padayon nga pagtaas sang kaso sang COVID-19 sa syudad.
Nagpasalig naman ang alkalde nga liwat nga i-monitor kag panugyanan sang syudad ang mga pumuluyo nga magsuksok sang face mask.
Apang gin-athag ni Treñas nga wala sang penalidad ang publiko nga sukton ang mga ini sa paglapas sang pagsulundan.
Ginpaathag sang alkalde nga gina-engganyo lamang ang publiko nga sundon liwat ang mandatory nga pagsuksok sang face mask agud malikawan nga maglapta sang balatian.
