ILOILO CITY- Madamo sang dala nga kaayuhan sa mga estudyante kun madayon ang ginaduso ni presumptive president Sara Duterte- Carpio nga mangin mandatory sa mga eskwelahan ang Reserve Officers’ Training Corps (ROTC).
Ini ang panan-awan sang ROTC commandant sang Capiz State University (CAPSU) nga si Dr. Wennie Legario.
Sa interview sang Bombo Radyo kay Dr. Legario nga amo man ang Vice President for Administration and Finance sang CAPSU, iya ginpahayag nga kadamuan sa ginatudlo sa ROTC ang indi matun-an sang estudyante sa regular curriculum.
Suno kay Legario, dapat mahibaluan sang publiko nga indi lang full military ang ginatudlo sa ROTC kundi nagkalain- lain man nga trainings.
Pahayag niya, ini nga training nagalakip sang disaster management, pagdevelop sang command instinct, pag-organize sang trabaho, disiplina, kag labi sa tanan ang patriotismo.
Dugang niya, kun may yara man sang makabentaha gid sang ROTC, ini amo ang mga estudyante nga may handom nga mangin kabahin sang Armadong Kusog sang Pilipinas.
