Asud-asud nga pagpakamalaot ang nabaton ni Presidente Rodrigo Duterte kasunod sang pagdumili sini sa iya Gabinete nga magtambong sa hearing sang Senate Blue Ribbon Committee may kaangtanan sa pag-uyat sang gobyerno sang pondo para sa COVID-19 response.
Nagpahayag ang mga senador sa mga opisyal sang executive department nga indi sila mag-untat sa pag-imbestigar sa ginapahayag kurapsyon sa pandemic response.
Nagpaandam si Senador Francis Pangilinan sa tanan nga mga opisyal nga absent sa hearing kahapon nga makit-anay lang ugaling sila sa budget hearings.
Suno naman kay Committee chairman Senador Richard Gordon, mismo si Duterte ang nagalapas sa Konstitusyon bangud sa iya nga ginhimo.
Gin-ugyunan man ini ni Senador Franklin Drilon nga nagsiling nga ang mandu ni Duterte ang may yara sang red flags sang unconstitutionality.
Nagkwestyon naman si Senador Panfilo Lacson kun ano ang matabo kay Bureau of Internal Revenue Commissioner Caesar Dulay nga yara sa amo nga hearing bisan pa may standing order ang presidente.
