Nagbubo ang mensahe sang simpatiya kag kasubo halin sa Japanese government kag manga world bangud sa hinali nga kamatayon ni Akira Toriyama, isa sa most influential kag best-selling manga authors of all time!
Mangin ang Chinese Foreign Ministry ang nagpalab-ot man sang ila mensahe sa pamilya sang amo nga author nga idolo sang madamo nga Chinese.
“We express our deep condolences for the death of Akira Toriyama and express our sincere condolences to his family,” suno kay Foreign Ministry spokesperson Mao Ning. “We expect and believe that more people of insight in Japan will actively participate in Sino-Japanese cultural exchanges and the cause of friendship between the two countries.”
“I believe that Mr. Toriyama’s work has played an extremely important role in demonstrating Japan’s soft power,” pahayag naman ni Japanese Chief Cabinet Secretary Yoshimasa Hayashi.
Si Toriyama amo ang creator sang best-selling nga Dragon Ball manga series kag iban pa nga popular anime nga may daku nga impluwensya sa Japanese comics.
Nagtaliwan siya sa edad nga 68 bangud sa blood clot sa iya nga utok.Ang iya pamilya lamang kag suod nga mga himata ang nagtipon sa funeral service kasunod asng amo nga hitabo.
Ang produkto sini nga Dragon Ball ang nag-debut sang 1984, na-adapt sa anime sang 1989 kag wala nagdugay, nakilala na ini sa bilog nga kalibutan kun sa diin nabaligya ang masobra 260 million ka mga kopya.
Kilala man si Toriyama nga inspirasyon sang madamo nga renowned Japanese comic book artists kaangay kay Masashi Kishimoto nga creator sang popular series nga ‘Naruto’, kag Eiichiro Oda nga creator naman sang isa ka longest-running animes nga ‘One Piece.’
Sa masobra 40 ka tuig nga pag-trabaho ni Toriyama bilang artist, nakabaton man ini sang wala-tuo nga awards sa manga industry lakip na ang Knight of the Order of Arts and Letters halin sa France.#
