BAROTAC NUEVO, ILOILO – Ginluthang patay sang manghod nga lalaki ang iya mismo nga magulang sa Barotac Nuevo,Iloilo.
Ang biktima amo si Salvador Padicio Jr, 32 anyos kag ang suspek naman nga iya man lang utod amo si Francis Padicio , 31 anyos sang Barangay Lagubang sa nasambit nga banwa.
Sa interview sang Bombo Radyo kay Police Captain Kenn Albert Lepsia, hepe sang Barotac Nuevo Municipal Police Station, iya ginpahayag nga may yara sang daan nga hiligut-anon ang mag utod rason nga gintiro ni Francis ang iya nga utod gamit ang .32 caliber nga armas.
Suno kay Lepsia, may yara sang igo sa dughan an biktima rason nga ginbawian ini sang kabuhi.
Natigayon naman nga madakop si Francis sang mga otoridad kag narekober ang duha ka mga empty shells sa crime scene.
