Patay ang manghod matapos nabuno sang iya mismo magulang sa Barangay San Roque, Nueva Valencia, Guimaras.
Ang biktima amo si Roger Torichilli, 42 samtang ang suspek naman amo si Porterio Torichillia, 44.
Sa interview sang Bombo Radyo kay Porterio, iya ginpahayag nga hubog ang iya utod nga si Roger sang nagsulong sa iya nga balay kag may dala nga kutsilyo.
Suno sa magulang, tuyo kuntani sang iya manghod nga bun-on siya apang nasagang niya ang iya kamot.
Gin-agaw ni Porterio ang kutsilyo kag bangud na-impito, siya ang nakabuno-patay sa iya manghod sa diin pilas sa kilid, dughan kag likod ang naangkon sang biktima.
Wala na gindetalye pa sang suspek ang ugat sang paglainay sang buot sang iya nga utod.
