ILOILO CITY – Kinahanglan nga mangin sensitibo ang tanan agud nga indi na maglapta ang Coronavirus Disease 2019 (COVID-19).
Ini ang panugyan ni Iloilo City Councilor Candice Tupas nga isa ka doctor, sa madasig nga paglaton sang nasambit nga virus.
Sa interview sang Bombo Radyo kay Tupas, iya gninpahayag nga bangud gindeklarar na nga pandemic ang COVID-19, halos kalabanan nga pungsod sa kalibutan ang apektado.
Suno kay Tupas, antes pa man ang iya maternity leave subong nga tuig, 3 ka ordinansa ang iya ginduso may kaangtanan sa iya komitiba tuhoy sa health, sanitation, and hospital services.
Ginpahayag ni Tupas nga importante nga ginatudlo sa mga estudyante ang tuhoy sa proper handwashing, paano mapabilin ang katinlo sa paggamit sang Comfort Room kag ang social distancing agud nga makalikaw sa sakit.
Bilang iloy naman, ginpahayag sang natungdan nga nagakahangawa siya sa ikaayong-lawas sang kabataan sa syudad sang Iloilo rason nga apisar wala pa natapos ang iya maternity leave, ginpangitaan niya sang paagi agud nga makatambong sa joint meeting nanday Iloilo City Mayor Jerry Treñas, Iloilo Gov. Arthur Defensor Jr. kaupod ang tiglawas sang Department of Health kag mga hospital head.
