ILOILO CITY–Missing ang isa ka manugpangisda samtang nagalayag sa baybayon sang Brgy. Barosbos Asluman, Isla Gigantes, Carles, Iloilo.
Ang biktima amo si Carlos Mallaga, 65-anyos sang nasambit nga lugar.
Sa interview sang Bombo Radyo kay Lt. Commander Ramil Palabrica, taghambal sang Philippine Coast Guard (PCG) Iloilo, iya ginpahayag nga nadula si Mallaga samtang yara sa kalalawran.
Mahimo sunu kay Palabrica nga gin-anod ang sakayan pandagat ni Mallaga bangud sa mabaskog nga balod kag pugada.
Nagpanawagan man si Palabrica sa publiko ilabi na sa mga kaiping nga isla nga gilayon nga ipabalo sa mga otoridad kun nakasampay sa ila lugar ang nasambit nga manugpangisda.