Sara, ILOILO – Dead on arrival sa hospital ang isa ka mangunguma matapos ginluthang sang riding in tandem suspects sa Brgy. Improgo, Sara, Iloilo.
Ang biktima ang ginkilala nga si Rey Allador Destacamento, 44 anyos, kasado sang nasambit nga lugar.
Sa interview sang Bombo Radyo kay Police Senior Master Sergeant Rene Abian, imbestigador sang Sara Municipal Police Station, iya ginapahayag nga siyam ang naangkon nga pilas sang biktima.
Suno kay Abian, wala pa nakilala ang duha ka mga suspek sa insidente apang santo sa imbestigasyon, may tabon sa nawong ang nagluthang sa biktima nga nagapauli na sang natabo ang insidnete.
Ginapatihan nga 45 caliber pistol ang gingamit sa krimen kun sa diin sa crime scene, 6 ka basiyo sang nasambit nga pusil ang nakita samtang tatlo naman ka bala sang shot gun ang nakita, 50 metros gikan sa ginluntaran sang insidente.
Santo sa record, nadakpan na sadto si Destacamento bangud sa paghupot sang indi lisensyado nga pusil apang magluwas diri, wala na sang ginkaulamiran nga krimen ang biktima.
