Ginbawian sang kabuhi ang isa ka mangunguma kag karabaw sini matapos makuryente sa talamnan sa Brgy. Bantique, Ormoc City, Leyte.
Ang biktima amo si alyas “Turning”, 67-anyos, residente sang Brgy. Boroc sang amo nga syudad.
Naggwa sa imbestigasyon nga nagtapik ang higot sang karabaw sa submersible water pump, rason nga nakuryente ang karabaw.
Sang nagkadto sa lugar ang tigulang, iya ginpalapitan ang karabaw gani siya ang nakuryente man.
Wala naman sang nakit-an nga foul play sa insidente.
