Patay ang isa ka mangunguma matapos makuryente samtang naga-karaoke sa Barangay Bugang, Alimodian, Iloilo.
Ang biktima amo si Alyas Anton, 54-anyos, mangunguma kag residente sang nasambit nga barangay.
Suno sa impormasyon nga nakuha sa Iloilo Police Provincial Office (IPPO), ang insidente natabo samtang nagainom-inom kag naga-karaoke ang biktima sang hinali lang ini nga nakuryente kag natumba.
Gilayon man nga ginpahibalo sang bata nga lalaki ang iya iloy kag naabutan nalang nila ini nga wala na nagaginhawa.
Ginhingagaw pa ini dala sa ospital apang gindeklara man nga dead on arrival.
Sa subong, padayon pa ang imbestigasyon sang mga kapulisan kung paano ini nakuryente matapos makit-an ang lapnos sa iya palad.
