ILOILO CITY- Patay ang isa ka mangunguma sang ginbuno sang iya bayaw nga kaupod niya sa ilimnan sa Sitio Tamonoc, Barangay Buga, Igbaras, Iloilo.
Ang biktima amo si Joaquin Escamilla samtang ang suspek amo si Jose Frankie Valentin nga lunsay residente sang amo nga lugar.
Suno kay PLt Rodel Pasion sang Igbaras Municipal Police Station, updanay nga nagainom ang duha sa balay sang suspek.
Pahayag ni Pasion, ginsunlog ni Escamilla si Valentin kag sang ginsaway sang suspek ang biktima, didto kag ginbuno niya ini sa tiyan kag sa kilid.
Ginhingagaw pa nga madala sa ospital ang biktima apang gindeklarar ini nga dead on arrival.
Pasakaan naman sang kaso nga murder ang suspek nga nagapabilin nga at- large.
