ILOILO – Patay ang isa ka mangunguma matapos ginluthang sang isa ka Barangay Tanod Member sa Sitio Bantayan, Barangay Buyuan, Tigbauan, Iloilo.
Ang biktima amo si Pedro Celestial, 35, samtang ang suspek amo si Anthony John Tajano, lunsay residente sang nasambit nga lugar.
Sa interview sang Bombo Radyo kay Police Major Rolando Araño, hepe sang Tigbauan Municipal Police Station, iya ginpahayag nga naga-inom-inom ang biktima sang nagbaisay sila sang iya isa ka upod.
Nagpalapit ang suspek agud kuntani magtambag sa duha apang sila naman ang nagbaisay sang nasambit nga biktima.
Posible suno sa hepe nga naimpito si Tajano gani naluthangan niya si Celestial.
May pilas si Celestial sa wala nga bahin sang liog, wala nga abaga, kag wala nga kamot.
Tatlo ka empty shells ang nakit-an sa lugar kag ginapatihan nga 9mm ang gingamit ni Tajano.
Nagapabilin nga at large ang suspek.
