Patay ang isa ka mangunguma sang aksidente nga natiruhan ang iya ulo sa Oton, Iloilo.
Ang biktima amo si Julius Sanchez, 56 anyos, residente sang Sta. Monica, Oton, Iloilo.
Sa interview sang Bombo Radyo kay Roilan Sanchez, hinablos sang biktima, iya ginpahayag nga padulong ang biktima sa iya umahan kagab-i agud magpatay sang motor nga nagapasaka sang tubig.
Suno sa iya,nakainom ang iya tiyo kag posible nga nakadanlog ini kag aksidente nga napitik ang gatilyo sang iya ginasukbit nga 12 gauge shotgun kag naigo ini sa ulo.
Nahibaluan nga kagab-i pa nasapwan ang bangkay sang biktima apang wala gintandog sang Oton Municipal Police Station antes nag-abot ang taga-SOCO subong nga aga.
