Patay ang isa ka manikyurista matapos gintiro ini sang iya nga live-in partner sa Sitio White House, Brgy. Lalo, Tayabas City,Quezon.
Ang biktima amo si Aileen Naynes Teoxon, 39-anyos.
Suno sa report sang Tayabas City Police Station, antes ang insidente, magkaupod pa nga nag-inom sang makahulubog nga ilimnon ang mag-live in partner sa sulod sang ila nga balay.
Apang, nagbaisay ang mga ini kag nagkuha ang suspek nga si Alejandro Baer, 50-anyos, sang wala pa natumod nga pusil kag makapila ka beses nga gintiro ang biktima.
Madasig nga nalagyo ang suspek sakay sa motorsiklo kag dala ang gin-gamit nga armas.
Padayon pa ang imbestigasyon kag ginahibalo pa ang motibo sa krimen.
