Pormal na nga napilian bilang House minority leader si Manila 6th District Representative Bienvenido Abante Jr.
Nangin matalunsay kag wala sang nagpamalabag sa pagbinotohay sa minority leader sa Kamara.
Ginabug-osan sang 27 ka mga mamalidha nga yara sa minority bloc ang nagpili kay Abante nga mangin lider matapos mapilian si Taguig City-Pateros Representative Alan Peter Cayetano bilang House Speaker kahapon kadungan sang ika-apat nga State of the Nation Address ni Presidente Rodrigo Duterte.
Si Abante ang indi na bag-o sa lehislatura bangud sang tuig 2004, nangin kongresista man ini sa Manila.
Isa man ka host pastor si Abante sa Metropolitan Bible Baptist Church and Ministries sa Santa Ana, Manila.
Nangin kabahin man ang nasambit nga kongresista sa speakership race kahapon nga adlaw sa diin nakakuha lamang siya sang 28 ka mga boto batuk kay Cayetano nga may 266.
