Ginakabig ni Department of Foreign Affairs Secretary Teodoro Locsin Jr. nga “greatest project” sang Department of Environment and Natural Resources (DENR) ang “white sand” sa Manila Bay.
Suno kay Locsin, isa ini ka legasiya kag isa ka “genius” si Environment Secretary Roy Cimatu sa pagpatuman sini nga proyekto.
Nahibaluan nga kahapon, Setyembre 22, nakigsapol si Locsin sa mga miyembro sang US Embassy sa rehabilitated portion sang Manila Bay.
Suno sa tiglikom, may mga plano ang US Embassy officials sa ila opisina sa Roxas Boulevard ilabi na subong na may yara na sang “white sand” sa lugar.
Una diri, gindayaw man ni Presidente Rodrigo Duterte si Cimatu bangud sang rehabilitation project.
Apisar sini nga mga pagdayaw, kontrobersyal ang P389-million project sa Manila Bay bangud sang white sand nga human sa crushed dolomite rocks nga gintawag sang mga kritiko nga “aesthetic solution” sang gobyerno sa matuod nga problema sa lugar. #
