Madamo sang sahi sang mannerism.
May yara sang nagakitkit sang ila nga kuko, may yara sang masami nga nagahikap sang ila nga dulunggan kag iban pa.
Ikaw ano ang imo mannerism? Ngaa bala may yara sang mannerism?
Suno kay Clarissa Mariano-Ligon, early childhood and family specialist, ang mannerism ang isa ka physical gesture, paghulag sang parte sang lawas ukon sa speech.
Naga-form ang mannerism subconsciously ukon indi mo matalupangdan nga ginahimo mo na gali — Indi lang kaisa kundi masami, adlaw-adlaw kag liwat-liwat.
“Self soothing” ukon nagahatag sang pagpakalma ang mannerism rason nga ginahimo ini sang tawo.
Kun ikaw nag nakulbaan ukon bored, dira kag nagaform man ang mannerism.
Apang kun ang mannerism mo ang nagahatag na sang malain nga epekto sa imo pang adlaw-adlaw, dapat nga magpaidalom ka na sa habit reversal training.
Panugyan sang eksperto, pilion ang mannerism nga makabulig sa imo kaugalingon.
