Ginsabat ni 8th Division world champion Manny Pacquiao si retired American boxer Floyd Mayweather matapos gin ulamid sini ang iya nga pangalan sa social media post sini.
Sa nasambit nga social media post ginpahayag ni Mayweather nga indi na niya luyag pa nga maumid ang iya nga pangalan kay Pacquiao.
Dugang pa ni Mayweather ang kabilugan sang legasiya nga ginpatindog ni Pacquiao ang tungod man sa iya.
Ginpadayaw man ni Mayweather nga wala ini nabudlayan sa ila nangin away ni Pacman sa diin ginlutos niya ini sang Mayo 2015.
Wala man nanamian ang American boxer sa padayon nga pagduso sang mga fans sa rematch nila ni Pacquiao.
Sa social media post ni Pacquiao, iya ginpahayag nga ginagamit lang siya ni Mayweather agud masapakan sang iban.
Gintapos ni Pacquiao ang iya nga post sa hashtag nga #MayPac2 nga daw kaangay nga ginahangkat sini ang American boxer nga mag rematch.
Nahibaluan nga indi ini ang una nga beses nga ginhangkat sang duha ka boksingero ang isa kag isa nga mag atubangay sa liwat sa ring.
Nahibaluan man nga nangin bukas si Pacquiao sa nasambit nga rematch.
Samtang makapila naman nga beses nga ginliwat ni Mayweather nga nagretiro na ini kag wala sang plano nga magbalik sa ring.
