Ginklaro ni 8th division boxing champ Manny Pacquiao nga indi sya apektado sa mga trash talk sa iya sang American boxer nga si Keith Thurman.
Nahibaluan nga nagpasalig si Thurman nga iya siguraduhon nga sya mismo ang madul-ong kay Pacquiao sa retirement sini.
Ginkompara pa nya ang boxing champ sa isa ka dinosaur bangud sa malip-ot sini nga butkon.
Suno kay Pacquiao nangin motibasyon ini sa iya nga mas pasangkadun ang iya paghanas agud malutos ang American boxer sa ila palaabuton nga away sa MGM Grand Garden Arena, Las Vegas, Nevada sa Hulyo 2.
Nagpasalig naman ang 8th division boxing champ nga iya hatagan sang sorpresa ang American boxer sa sulod sang ring.
