Pareho nga sulod sa weight limit sanday Manny Pacquiao kag Mario Barrios para sa ila natalana nga WBC welterweight title fight.
Ginpatigayon ang official weigh-in sa Las Vegas, Nevada, USA pasado alas kuatro kaina sang kaagahon oras diri sa Pilipinas.
Nagbug-at si Pacquiao sang 146.8 pounds samtang 146.2 pounds ang ang iya nga kasumpong.
Nahibaluan ang kinahanglan lang sang duha ka mga boksidor nga indi magsobra sa 147 pounds para sa ila nga 12-round welterweight world championship fight.
Buwas sa aga oras sa Pilipinas, bantayan ang pagbalik sa ring sang isahanon nga eight-division champion nga bugal sang Pilipinas batok sa WBC welterweight titlist nga si Barrios.
