Luyag sang Hall of Fame trainer nga si Freddie Roach nga padayunon pa ni Eight-division world champion Manny Pacquiao ang career sini sa patag sang boxing.
Suno kay Roach, duha pa ka hampang sa sulod sang boxing ring kag mahimo na nga makapadalagan bilang Presidente sang Pilipinas si Pacquiao.
Kun magapadalagan ang boxing champion bilang presidente, ini ang lain naman nga kabahin sang kasaysayan.
Ginalantaw ni Roach nga mangin maayo nga Presidente si Pacquiao.
Pahayag pa sang Hall of Fame trainer, na-istoryahan na nila ni Pacquiao kun sin-o ang posible sini nga makasambuwa sa sulod sang boxing ring.
Luyag kuntani ni Roach nga si American boxer Mikey Garcia ang masunod nga ma-kontra ni Pacquiao apang si Floyd Mayweather ang ginalaoman nga makasambuwa liwat sang boxing champ.
Bisan sin-o man ang maluyagan ni Pacquiao sa masunod sini nga hampang, ginasiguro ni Roach nga ang Team Pacquiao ang todo suporta sa Filipino boxing icon.
