Luyag pa ni 8th Division World Boxing Champ Manny Pacquiao nga makasumpong sa ring sa isa ka mega boxing showdown si Floyd Mayweather Jr sa masunod nga tuig.
Ini ang nangin pahayag ni Pacquiao isa ka semana matapos ginpanginwala ni Mayweather ang iya plano nga pagbalik sa ibabaw sang ring.
Ini man matapos maglapta sa social media ang mga videos ni Mayweather sa diin makit-an nga naga ensayo ini.
Suno kay Mayweather indi niya luyag nga makasumpong ang mga bataon nga fighter ukon si Pacquiao man.
Apang ginpahayag sang undefeated legend nga posible pa magbag-o ang iya desisyon depende sa presyo sang hampang.
Sa pagpa-athag pa ni Mayweather, naga ensayo sya sa gym agud mapabilin ang kondisyon sang iya lawas.
