Manny Villar, napabilin ang posisyon bilang pinakamanggaranon sa Pilipinas subong nga 2024

ILOILO CITY- Nagapabilin nga si anay Senate President Manny Villar sa gihapon ang pinakamanggaranon sa Pilipinas, kag nagaisahanon nga Pinoy nga sulod sa listahan sang Forbes magazine nga top 200 nga pinakamanggaranon nga tawo sa kalibutan subong nga 2024.

Sa ginpagwa nga listahan sang Forbes, ika -190 ang 74-anyos nga si Villar nga may net worth nga $11 bilyon.

Si Villar ang chairman sang property developer Vista Land & Lifescapes nga ginadumala sang iya anak nga si Manuel Paolo.

Yari naman ang sulod sa top 10 sa pinakamanggaranon sa kalibutan:

1. Bernard Arnault & family
   Net Worth: $233 Billion | Age: 75 | sang France | Tag-iya sang French luxury fashion house nga Louis Vuitton
2. Elon Musk
   Net Worth: $195 Billion | Age: 52 | sang United States | Tag-iya sang Tesla, Incorporated kag Space X
3. Jeff Bezos
   Net Worth: $194 Billion | Age: 60 | sang United States | Tag-iya sang American multinational technology company nga Amazon
4. Mark Zuckerberg
   Net Worth: $177 Billion | Age: 39 | sang United States | Tag-iya sang Meta ukon mas kilala nga Facebook
5. Larry Ellison
   Net Worth: $141 Billion | Age: 79 | sang United States | Tag-iya sang software company nga Oracle Corporation
6. Warren Buffett
   Net Worth: $133 Billion | Age: 93 | sang United States | Tag-iya sang American multinational conglomerate holding company nga Berkshire Hathaway
7. Bill Gates
   Net Worth: $128 Billion | Age: 68 | sang United States | Tag-iya sang software giant nga Microsoft
8. Steve Ballmer
   Net Worth: $121 Billion | Age: 68 | sang United States | Tag iya sang philanthropic investment company nga Ballmer Group
9. Mukesh Ambani
   Net Worth: $116 Billion | Age: 66 | sang India | Tag-iya sang Indian multinational conglomerate nga Reliance Industries Limited
10. Larry Page
    Net Worth: $114 Billion | Age: 51 | sang United States | Co-founder sang Google

Nagsunod kay Villar sa listahan amo si Enrique Razon Jr. nga may net worth nga $10 Billion, kag ika -224 na sa puwesto sang mga pinakamanggaranon sa kalibutan.

Si Enrique Razon Jr. amo man ang tag-iya sang More Electric and Power Corporation.