ILOILO CITY–Target sang Guimaras Police Provincisl Office (GPPO) nga mapanubo ukon matapna ang krimen sa probinsya sang Guimaras.
Sa new Year’s message ni GPPO Director PSSupt. Julio Gustilo, iya ginpahayag nga ang Guimaras ang isa sa mga lugar sa pungsod nga may manubo sang crime rate.
Kadungan sang pagsulod sang bag-ong tuig, nagalaum si Gustilo nga wala na sang may matabo nga krimen ukon mabuhinan ang numero sang krimen nga magaluntad sa Guimaras.
Nagpasalamat man ang GPPO Director sa bulig sang pumuluyo kag sang mga lokal nga opisyal agud sa paghatag sang impormasyon kag pagsakdag sa mga programa sang Philippine National Police (PNP).