Nagapamatok ang mga manufacturers sa tikang sang Department of Trade and Industry (DTI) nga i-postpone anay kag i-schedule lamang sa masunod nga tuig ang saka-presyo sa mga sardinas kag iban nga basic commodities.
Suno kay Canned Sardines Association of the Philippines (CSAP) executive director Francisco Buencamino, ipahayag niya subong nga adlaw kay Trade Secretary Alfredo Pascual ang iya nga rason kun ngaa nagapangindi sila sa amo nga plano.
Suno kay Buencamino, apektado man ang manufacturers sang sardinas sang ginapatuman nga oil price hike, pagnubo sa balor sang peso, kag pagsaka sa presyo sang lata.
Ang suggested retail price (SRP) sang sardinas ang yara lamang sa P18.50 kada isa apang ang aktwal ang dapat nga yara sa P23 kag P24 kada lata suno pa sa opisyal.
Ginpahayag man sini nga dapat mahatag man ang gobyerno sang fuel subsidies sa mga sakayan nga nagapangisda.
“Fishing vessels and boats consume a lot of fuel. The ice plants should also be given discounts. It could help. There are ways. I do not know how they can talk to MOPS or Mean of Platts Singapore on how to soften the changes (in the fuel prices) to address the unabated spike,” pahayag sini.
Una na nga nagpahayag ang DTI and Industry nga 14 manufacturers sang basic necessities and prime commodities ang nag-file sang petisyon nga pasakaan ang presyo sang ila nga mga produkto. #
