ILOILO CITY – Nagareklamo ang pila ka mga manugbaligya sa Iloilo Central Market bangud pasayluhon sila sang lugar nga indi masigurado kun mangin maayo ang pagbaligyanaay may kaangtanan sa Oplan Hawan.
Sa interview sang Bombo Radyo kay Rex Donasco, Presidente sang Association of Transient Vendors Association sa Iloilo Central Market, iya ginpahayag nga luyag nila mahibaluan kun ano gid ang plano sang Iloilo City Government sa mga manugbaligya.
Ginkwestyon man ni Donasco kun nga-a pasayluhon sila sa lugar nga nagaginumon kag malaka lang ang nagalabay nga manugbakal.
Kun tani suno sa kay Donasco, pagakunsultahon man sila nga manugbaligya kag iplastar sang maayo kun sa diin sila masaylo bangud nga nagabayad man sila sang arkalaba kag buwis.
Samtang, iga-boycott sang mga manugbaligua ang pagsinapol nga patigayunon subong nga hapon.
Sa interview sang Bombo Radyo kay Mr. Aljun Florentino, isa sa mga manugbaligya sa nasambit nga merkado, iya ginpahayag nga wala sila may nabatun nga sulat tuhoy sa patigayunon nga pagsinapol.
Suno kay Florentino, indi maayo nga sayluhon ang ila baligyaan malapit sa babuyan bangud ang ila baligya amo ang mga pagkaon.
Kun tani suno kay Florentino, antes magplano pahibaluon man sila kag ibutang sa agenda sang meeting ang mga dapat sayluhan.
