ALIMODIAN, ILOILO – Patay ang isa ka manugbaligya sang isda matapos naigo ini sang kilat samtang nagalibod sang isda sa Barangay Tarug, Alimodian, Iloilo.
Ang biktima amo si Ronie Siapno, 45, residente sang Brgy. Bugang, Alimodian, Iloilo.
Sa interview sang Bombo Radyo kay Police Captain Marion Asparo, hepe sang Alimodian Municipal Police Station, iya ginpahayag nga samtang nagalibod sang isda ang biktima gulpi lang nagbaskog ang ulan kag nagpinangilat rason nga nagpasilong ini sa kawayanan apang didto gid ini naigu sang kilat.
Nasunog gid ang lawas sang biktima kag ginhingagaw-dala sa ospital apang gindeklara ini nga dead on arrival.
