ILOILO CITY – Hugot nga ginpanginwala sang manugbantay sang warehouse ang mga na rekober nga mga sachet sang suspected shabu matapos ginpatigayon ang buy bust operation sa Zone 2, San Juan, Molo, Iloilo City.
Ang subject sang operasyon amo si Elizer Cias, 34 anyos sang nasambit nga barangay.
Sa interview sang Bombo Radyo sa team captain sang Molo Police Station, iya ginpahayag nga 2017 sang nagguwa ang pangalan ni Cias nga naangot sa iligal nga droga.
Suno sa pulis, mabudlay para sa ila nga tyempohan ang subject bangud ang ginabaligyaan lamang niya sang droga amo ang iya mga suod nga abyan.
Nakuha ang apat ka sachet sang suspected shabu kag P1,200 nga buybust money.
Sa subong, nagapabilin nga preso si Cias sa Molo Police Station.
