ILOILO CITY–Dakop sa ginpatigayon nga buybust operation sang Regional Drug Enforcement Unit (RDEU)-6 ang isa ka manugdeliver sang tubig sa Muelle Loney , Iloilo City.
Ang subject sang buybust operation ang ginkilala nga si Jessi e Benza, 48 anyos kag pumuluyo sang Brgy. Legaspi-Dela Rama, City Proper.
Nakuha kag Benza ang 16 ka mga magamay nga sachet sang shabu kag 10,000 pesos nga cash.
Sa interview sang Bombo Radyo kay Jovic Benza, tiayon ni Jessie, iya ginpahayag nga wala siya sang ihibalo nga naangot sa illegal drugs ang iya bana.
Sunu  kay Jovic nga magluwas sa pagdeliver sang mga tubig sa barko, nagasideline man ang iya bana sa pag-proseso sang mga papeles sang mga nagaalabot nga mga lansones kag iban pa nga prutas sa dulungkaan sang  batil.
Ginpahayag ni jovic nga ang amo sang iya bana ang ginkilala kay Kiko Peñasales  nga amo naman ang consignee sang mga naga-alabot nga mga lansones.