Patay ang isa ka manugpangisda matapos ginhamal sa ulo sang isa ka buwaya sa Barangay Agutayan, Balabac, Palawan.
Ang biktima amo si alyas “Dandan”, 31-anyos.
Ginpahayag nga nagpanguha sang sea cucumber ang biktima sang hinali nag-atake ang buwaya.
Suno sa mga nakasaksi, ginhamal sa ulo si Dandan samtang yara sa idalom sang tubig bag-o siya liwat nga ginbuy-an sang sapat.
Padayon naman ang imbestigasyon agud matumod ang mga hitabo sa insidente kag kun may dapat pa nga ipatuman nga tikang.
