Arestado ang isa ka 26-anyos nga private teacher nga nagpakuno-kuno nga miyembro sang New People’s Army (NPA) sa iya extortion activities kag mga pagpamahog sa 33 ka eskwelahan sa walo ka syudad sa Metro Manila.
Ginkilala ang suspek nga si Jake Castro, manunudlo sa isa ka pribado nga eskwelahan sa Doña Manuela Subdivision, sa Barangay Pamplona, Las Piñas.
Sa report gikan kay CIDG-National Capital Region (NCR) field unit chief, P/Colonel Randy Glenn Silvio, naaresto si Castro sa Brgy. Zapote matapos nagkagat sa sa entrapment.
Gamit sang suspek ang email address nga newpeoplesarmy1969@gmail.com, nga nagpakilala nga siya ang katapo sang special tactics faction sang NPA kag nagapangilkil sa mga eskwelahan.
Pamahog niya ang pagpalupok sang bomba kag magaatake ini kag magapangluthang kun indi maghatag sa iya.
Narekober sa suspek ang kalibre 38 nga pusil, mga bala sang shotgun, cellphone kag mga gadget sa motorsiklo.
Nagapangatubang na ini sa kaso nga robbery, resisting arrest, illegal possession of firearm and ammunition, paglapas sa election gun ban kag Presidential Decree 1727 (Anti-Bomb Joke Law).
Maid-id pa nga ginahibalo sang CIDG kun may koneksyon gid man ukon rebelde nga komunista ang suspek.
