Ginpatay sang isa ka lesbian ang live-in partner sini nga manunudlo sa Brgy. Tubod, Minglanilla, Cebu.
Ang ginpahayag nga rason amo nga nakagwa sa kurungan ang hinuptanan nga ido sang suspek.
Ang biktima amo si Melanie Lee Lastimosa, manunudlo sa Lawaan Elementary School sa Talisay City, Cebu.
Ang suspek naman amo si Katherine Retita, 42-anyos, miyembro sang LBTQIA+ community.
Nag-angkon sang mga pilas tuga sang pagkabuno sa madamo nga parte ang lawas ang biktima.
Base sa imbestigasyon, nakagwa ang ido sang suspek rason nga naakig ini sa iya live-in partner.
Natigayon man niya nga makita ang ido apang nagpadayon ang ila baisay.
Nag-inom sang makahulubog nga ilimnon ang suspek kag sang nagbalik sa balay, wala ini ginbuksan sang biktima.
Nagpakuno-kuno ang suspek nga ginbuntog ini sang man-og gani ginbuksan sang biktima ang pwertahan.
Didto na nagbais liwat ang duwa kag nagkuha sang kutsilyo si Katherine kag ginbuno si Melanie.
Nadala pa sa ospital ang biktima apang gindeklarar nga dead-on-arrival.
Naaresto naman ang suspek kag nagapangatubang sang kaso nga murder.
