Patay ang isa ka 39-anyos nga manunudlo matapos gintiro mismo sang iya bana sa sulod sang classroom sang Agbanga Elementary School sa Barangay Agbanga, Matalom, Leyte.
Ang biktima amo si alyas “Elena”, residente sang Brgy. Caridad Sur, Matalom, Leyte.
Ang suspek naman amo si alyas “Lino”, 49-anyos.
Sa inisyal nga imbestigasyon, nagdalagan ang biktima pakadto sa amo nga classroom agud mangayo sang bulig sang ginlagas siya sang bana nga may dala nga pusil.
Didto na kag gintiro sang suspek sang makapila ka beses ang biktima.
Matapos nakit-an nga natumba ang biktima, nalagyo ang suspek kag padayon pa nga ginapangita.
