Tatlo ka tawo ang patay kalakip na ang isa ka manunudlo sa natabo nga aksidente sang nagbungguanay ang duwa ka motorsiklo sa highway sang Brgy. Malabuhan, Siaton, Negros Oriental.
Ang mga napatay amo ang manunudlo nga si alyas Rolly, 36-anyos; James, 26, isa ka mangunguma; kag backrider nga si alyas “Aquino”; lunsay residente sang Brgy. Casalaan, Siaton.
Base sa imbestigasyon, gintuyo ni James nga mag-overtake sa isa ka salakyan rason nga nagkadto ini sa pihak nga linya sang karsada.
Natabuan naman nga may nagapadulong nga isa pa ka motorsiklo nga ginamaneho sang manunudlo nga nagresulta sa bungguanay sang duwa ka motorsiklo.
Pareho nga gindeklarar nga dead-on-arrival sa ospital ang tatlo.
