ILOILO CITY- Ginkadismaya sang pila ka mga manunudlo kag education advocates ang manubo nga ranking sang mga estudyante sa Pilipinas sa creative thinking.
Ini ang kasunod sang ginpagwa sang Organisation for Economic Co-operation and Development (OECD) nga Program for International Student Assessment (PISA) 2022, kun sa diin yara na sa ika-2 sa pinakamanubo nga ranggo ang mga Filipino students kumpara sa 64 ka mga pungsod nga ginlakip sa assessment.
Filipino students, ikaduha sa pinakaulihi sa creative thinking —PISA – Bombo Radyo Iloilo
VP Sara, nagbilin sang madamo nga basura sa DepEd-ACT Teachers – Bombo Radyo Iloilo
Sa interview sang Bombo Radyo kay Vladimer Quetua, Chairperson sang Alliance of Concerned Teachers, iya ginpahayag nga natabo ini tanan samtang nagapungko bilang tiglikom sang Department of Education (DepEd) si Bise Presidente Sara Duterte ng indi man isa ka manunudlo.
Dako man nga factor suno sa iya ang social status sang estudyante sa pagnubo sang creative thinking skills.
Gin-evaluate sang PISA ang creative thinking skills sang mga 15-anyos kada tatlo ka tuig umpisa sang tuig 2000.
Patas ang Pilipinas sa Uzbekistan nga may 14 points samtang ang Morocco kag Dominican Republic ang pareho nga naka-skor sang 15.
Nagpangibabaw naman sa creative thinking assessment ang Singapore, South Korea, Canada, Australia, New Zealand, Estonia, kag Finland.
