BALASAN, ILOILO – Pinasahi ang pamaagi sang isa ka manunudlo agud nga maganyat ang iya mga estudyante sa pagtuon sang maayo.
Sa interview sang Bombo Radyo kay Nonie Boy Campo, Mathematics teacher sa Balasan National High School, iya ginpahayag nga ang tagsa ka manunudlo ang may yara sang pamaagi agud nga maganyat sa pagtuon ang ila estudyante.
Suno kay Campo, bag-o siya maghatag sang test, iya anay nga ginahatagan sang snacks ukon pamahaw ang iya mga estudyante lakip man ang ecouragement letter.
Ginpahayag ni Campo nga luyag niya nga ipahangop sa mga estudyante nga ang subject nga Mathematics ang indi mabudlay kag indi dapat nga kahadlukan.
Paagi sa nasambit nga estratehiya, ginpahayag sang natungdan nga magluwas nga naganahan ang mga estduyante sa pagtuon, natapna man ang cheating ukon pagkopyahanay sa tion sang test.
Sa pihak sang iya ginhimo, ginpahayag sang manunudlo nga wala siya nagpaabot sang balos bangud nga ang iya handum amo nga makabulig sa mga estduyante.
