Patay gid ang isa ka manunudlo matapos nabungguan samtang nagatabok sa pedestrian lane sa Barangay Lanao, Kidapawan City.
Ang biktima amo si Jeconi Joice Paler, 33-anyos, manunudlo sa USM-KCC, kag residente sang nasambit nga barangay.
Mabakal lang kuntani sang gatas ang biktima para sa iya bata sang nabungguan sang motorsiklo nga ginamaneho ni Christian Curato, 23-anyos, nga residente man sang amo nga syudad.
Nag-angkon ini sang mga pilas sa ulo kag lawas kag nadala pa sa ospital kag samtang yara sa Intensive Care Unit (ICU), ginbawian ini sang kabuhi.
Yara man sa ospital ang driver matapos nag-angkon man sang mga pilas.
