Arestado ang isa ka manunudlo matapos makuhaan sang 25 gramo sang shabu sa ginpatigayon nga buy-bust operation sa Binalbagan, Negros Occidental.
Ang nadakpan amo si alyas “Joffel”, 42, soltero, kag residente sang Sitio Tap-ok, Boulevard, Barangay Enclaro, sa amo nga banwa.
Nakuha sa iya ang 9 ka sachet sang illegal drugs.
Kaso nga paglapas sa Section 5 kag 11, Article II sang Republic Act 9165 ukon ang Comprehensive Dangerous Drugs Act of 2002 ang iya atubangon.
