ILOILO CITY–May yara sang palatandaan nga nagbato pa ang manunudlo nga nasapwan patay sa sulod sang balay sa Brgy. Gimumua Agahon, Passi City.
Sa interview sang Bombo Radyo kay Police Superintendent Arturo Fullero, hepe sang Passi City Police Station, iya ginpahayag nga nagaguwa nga nagbato pa ang biktima nga si Ma. Corazon Tionson sang nasambit nga lugar.
Ginapahayag nga bag-o lang nakapaligo ukon nakapanibin si Tionson suno kay Fullero bangud nga nakatampi lang ang biktima.
Nagaguwa man nga interesado ang suspek nga si June “Winwin” Aguilar sa manunudlo.
Ginpahayag dugang sang hepe nga indi na ini ang labing una nga kahigayunan nga may ginhimu nga krimen si Aguilar.
Ini bangud nga si Aguilar ang bag-o lang nakaguwa sa New Bilibid Prison sa Muntinlupa City.