Arestado ang isa ka 48-anyos nga junior high school teacher matapos matukiban sang otoridad ang mga sensitibo nga videos nga ginabaligya sini online.
Sa amo nga videos makit-an ang pagmolestiya niya sa mga solterito nga estudyante sa Cavite.
Suno sa otoridad, nadiskubre nila ang 32 ka mga videos kun sa diin makit-an ang sekswal nga pag-abuso niya sa mga estudyante.
Ginpahayag nga ginahatagan niya sang kwarta ang mga biktima nga menor de edad kabaylo sang iya pagtandog sa ila.
Matapos nadiskubre, gilayon nga nakig-angot ang kapulisan sa National Center for Missing and Exploited Children kag Interpol Child Sexual Exploitation Database kag didto nakit-an ang mga videos.
Sa subong, preso na ang manunudlo kag pasakaan sang kaso nga paglapas sa Anti-Online Sexual Abuse or Exploitation of Children Act kag Anti-Child Sexual Abuse or Exploitation Materials Act sa idalom sang Cybercrime Prevention Act.
Ginpaidalom naman sa psychosocial intervention kag counseling ang mga biktima.
