Mapag-on nga mga istruktura, bunkers upang sa military operation sa Marawi – Army

ILOILO CITY – Gin-ako sang militar nga nabudlayan ini sa operasyon sa Marawi City batok sa mga rebelde nga Maute.
Sa interview sang Bombo Radyo Iloilo, ginpahayag ni Philippine Army spokesman Lt. Col. Ray Tiongson nga mapag-on ang mga istruktura sa siyudad sang Marawi rason nga indi gilayon matapat sang air strikes.
Ginhingalitan suno kay Tiongson sang Maute ang mga mabakod nga buildings kag mga bunkers sa idalom sang mga istruktura.
Ginpahayag ni Lt. Col. Tiongson nga mapag-on ang mga buildings sa Marawi bangud proteksyon ini sang mga Maranao batok sa rido ukon away sang mga pamilya kag kun mag-engkuwentro ang mga tribu.
Dugang pa sang militar, nagahalong sila sa ginapatigayon nga precision air strikes agud indi madalahig ang mga sibilyan.
Una na ginpahayag ni Lt. Col. Tiongson nga magapadayon ang operasyon batok sa Maute sa pihak sang apelar sang mga hostages nga untaton ang giyera.