Ginpanginwala sang anay Philippine Basketball Association (PBA) star nga si Marc Pingris nga may relasyon sila sang aktres nga si Kim Rodriguez.
Ini ang sa tunga sang nagguwa nga huring-huring kaangot sa ila nga duha matapos naglapta ang mga laragway nga spotted sila sa pareho nga lokasyon.
Ginklaro ni Pingris nga nakaupod sini anay si Rodriguez sa isa ka basketball event bangud ang aktres amo ang muse sang ila nga team. Pahayag pa sang basketball star, “okay” sila sang iya pamilya, kag nagapangayo man siya sang respeto agud indi madalahig ang iya mga anak.
Yari ang kabug-usan nga statement:
“Walang katotohanan ang mga lumalabas na balita tungkol sa amin ni Ms. Kim Rodriguez. Walang namamagitan sa aming dalawa gaya ng sinasabi ng ibang tao. Nakasama ko po si Ms. Kim sa isang basketball event at sa isa pang event noong naging muse siya ng team namin. Salamat din sa nag pa abot ng concern. Ok kami ng pamilya ko. Wag na po tayo magpakalat ng mga balita na hindi totoo. Humihingi po kami ng respeto para hindi madamay ang mga anak namin ni Danica. Salamat po at God bless po.”
Kabahin si Pingris sa 40 Greatest PBA Players kag isa man anay ka Gilas Pilipinas mainstay.
Nagahampang ini subong sa Biñan Tatak Gel Beast sa Pilipinas Super League. Nagalibot man ini sa pungsod kag nagahampang sa exhibition games kaupod sa iya team, kag mangin sa international stage kaupod ang PBA Motoclub nga amo ang grupo sang former PBA players.
Asawa sini si Danica Sotto nga anak ni Vic Sotto kag aktres nga si Dina Bonnevie. Nagpakasal sila sang 2007 kag may tatlo ka mga anak.#
